رحلة المطار 9\3\2012

اليوم بنسافر

تعالوا شوفوا رحلتنا معانا

بعد النشاط الصباحي

رحنا تريقنا بالمطعم قبل ماننطلق إلي المطار

وصورتنا الأبلة صورة تذكارية

وبعدها وزعت علينا جوازات السفر مالتنا

كل واحد وجوازه

وتوجهنا إلي الباص

وبعد دعاءالركوب توكلنا على الله

ومشى فينا الباص

إلى أن وصلنا

وهني بدت رحلتنا

نزلنا بنظام وصفينا دور عشان ندخل المطار

توجهنا إلي محل دبنهامز

لأنه المرشده كانت تنطرنا هناك

وصورنا يم قاعة المسافرين

خذتنا المرشده ودخلتنا داخل المطار عند السوق الحره

طبعا مرينا بالجهاز الأمني وشافوا جوازاتنا

عقبها لقينا سيارة المطار وصورنا عليها

ولقينا ضابط وهم صورنا معاها

ولقينا طاقم الخطوط الكويتية بعد صورنا معاه

كلهم كانوا مستانسين علينا ويسولفون معانا

وشرحت لنا المرشده انه هذا المكان مايدخله الا المسافرين

ولازم يكون معاهم جواز السفر + تذكرة السفر

وأن السوق الموجود أسمه السوق الحر

مايشتري منه  الا المسافرين

حطوا لنا عطر وناسة

وركبنا كلنا الباص

وحمد طلب من الأبلة أنه يمسك العلاقة اللي فوق بالباص

تعرفون وين رحنا بالباص

رحنا يم الطيارة وصورنا تحتها

بس حسافة ماخلونا ندخل داخلها  

وبعد أن ختم لنا الضابط على جوازاتنا

دخول

تأكد ضابط الأمن من ختم الجواز

دخلنا الى قاعة الأمتعة (الحقائب)

هنا نجد حقائبنا

وصورنا يم عربانة الامتعة

وهني خلصت جولتنا داخل المطار

وقدموا لنا الطيران المدني هدايا رمزية

تذكارية

شـــــــــكـــــــرا

لحظة شوي ماخلصنا

نبي ناكل شي

عشان يصير بينا عيش وملح :)

يمي يمي ...لذيذ

شوفوا بردي ..

صعدنا فوق مرة ثانية بالمطار

نبي نركب الباص

وشفنا محل بنك بيري

وخلصنا رحلتنا عقب البنك بيري

مع السلامة